Dithejane:“Lengikufundza ku-Lewandowski”
Umdlali weliphiko weChicago Fire, Puso Dithejane, uvete kutsi yini layifundzile kulomgadli wasemandvulo, Robert Lewandowski, lowake wadlalela iFC Barcelona kanye neFC Bayern Munich.
Dithejane bekasengakalinkahle litfuba lelikhulu ecenjini leChicago Fire kusukela afike kulelicembu aphuma kuTS Galaxy ngaBhimbidvwane.
Ekucaleni, lomdlali lowake wadlalela iKaizer Chiefs bekacitsa sikhatsi lesinyenti asebhentjini, futsi bekavamise kungena njengemdlali losuka ebhentjini.
IChicago Fire seyincobe imidlalo lelishumi nesitfupha ilandzelana, kantsi Dithejane sewushaye emagoli lamatsatfu emidlalweni yakhe lemitsatfu yekugcina.
Ngemuva kwekuphindze ashaye ligoli itolo ebusuku, uvete lokufundziswe nguLewandowski.
“Besitjelana kutsi sinemidlalo leminyenti letako, futsi satjelana kutsi kufanele siyincobe yonkhe lemidlalo.
Konke kusemcabangweni; kufanele sibe nemcondvo lolungile nasiyongena emdlalweni, futsi singene ngekuguna kuwina,” kusho Dithejane nakakhuluma nebemidiya.
Lomdlali lowake wadlalela iGalaxy uphindze wachaza kutsi umgadli lonelwati njenga Lewandowski umsita njani ekutfutfukiseni umdlalo wakhe.
“[Lewandowski] uyangisita ekushayeni emagoli, ekutfoleni tindzawo letifanele, futsi ungifundzisa kutsi ngikhululeke ebhokisini.
“Ngiloko-ke lesikufundza kulamaciko lamakhulu,” wangeta njalo.
Story by Nkosinathi Masinga
