BACECESHI LABALISHUMI I-CHIEFS INGAKHETSA KUBO
Incenye yebaceceshi lebalishumi lekubukwe kutsi bangahle bakhetfwe njengoba Nasreddine Nabi ahambile.
Baceceshi lebalishumi lebasezingeni lelisetulu lebuceceshi, kubukiwe kutsi bangachumaniswa ne-Chiefs bavale Sikhala semceceshi Nabi.
Nyalo kubukwa baceceshi lebalishumi, lebake kwachumana nabo ngemuva kweminyaka nalaba bukiwe kutsi kungahle kuchumanwe nabo.
10. Sven Vandenbroeck, ngemuva kwekutsi ahole licembu le-Wydad Casablanca lancoba indzebe ye-CAF Champions League ngemnyaka wa-2022.
Waphindza wafikisa lelicembu esigabeni sekota yekugcina, kulomnyaka lolandzelile. Kubikwe kutsi, Vandenbroek uyafuna kujoyina i-Chiefs.
Kwanyalo, kutsiwa lowaseveni lase-Belgium kwanyalo ucecesha i-Zulte Waregem e-Belgium, kodvwa kutsiwa ukulungele kucecesha Amakhosi.
9.Alexandre Gallo, ungumceceshi lonelwati kakhulu waseveni lase-Brazil, uyincenye yebaceceshi bake babalwa ngemnyaka wa-2023.
Gallo une-CV lebita kakhulu, usebente tukwe-Santos, Atletico Mineiro, kanye nelicembu lesive i-Brazil.
8. Jose Peseiro
Umceceshi we-Nigeria wakudzala, bekabekelwe kuvala sikhundla sa-Cavin Johnson ngembi kwesizini ya-2024/25.
Peseiro uhole licembu le-Super Eagles kumdlalo wekugcina-ngci ku-AFCON ngembi kwekutsi ahlukane nalelicembu.
Ubuye wajoyina licembu laseveni lase Egypt i-Zamalek, ngemuva kwekutsi ahluleke kutfola msebenti tukwe-Chiefs.
7. Alexandre Santos, Santos ufunelwa lwati nemlandvo lomuhle nelicembu lase Angola, Petro de Luanda, uncobe tindzebe temaligi kulandzelana.
Wafika esigabeni sekugcina se-CAF Champions League.Kubikwe kutsi i-Chiefs beyimfuna ngembi kwekutsi ajoyine i-AS FAR Rabat yase-Morocco.
6.Raul Caneda, udume nge-filosofi nekusebentisana na-Pep Guardiola, naye bekabaliwe kutsi bamusayine kulesizini lelandzela lephelile.
Umsebenti wakhe umletsele ludumo endzaweni yase-Asia nas Middle East, kwanyalo Ucecesha i-Zheijang yase achina.
5. Rui Vitoria, naye ligama lakhe livelile ngembi kwekutsi Nabi acashwe.
Lomceceshi wemputukezi utiphinile ngemphumelelo yakhe tukwe Benfica futsi unelwati laphesheya, uceceshe i-Egypt.
Ucedza kushiya lase-Greece kantsi ukhona umangabe i-Chiefs imdzinga.
4. Benni McCarthy, McCarthy wabika kutsi umangabe abuya ka-PSL, uyobe abuyela licembu lelitimisele kutsatsa tindzebe, intfo i-Chiefs lebuke yona.
Kwanyalo ucecesha licembu lesive i-Khenya, kantsi uke waveta ngemiva yakhe lehlangahlangene ngalomsebenti.
3. Jose Riveiro, Riveiro udume kakhulu tukwelicembu le-Orlando Pirates.
Sikhatsi sakhe kulelase Egypt siphele ngalesikhatsi bacitsa i-kontilaki yakhe ngalokuphelele.
Kuya kwakhe e-Naturena kungamenta aphindze adlale futsi i-Darby nalamacembu ase-Soweto.
2. Pitso Mosimane, uyincenye yebaceceshi labaphumelele kakhulu kulelive lase-Afrika.
Wancoba tindzebe te-CAF Champions League letitsatfu, ligama la-Mosimane liyachubeka liyachunyaniswa ne-Chiefs.
1.Pedro Soares Goncalves, mibiko lendlulile iyasho kutsi i-Kaizer Chiefs ikile yamfuna lomceceshi muva nje.
Bekangumceceshi we-Angola ngalesikhatsi bayikhipha ekuseni tukwemncitiswano kumidlalo we-AFCON.
Uke waphumelela kuncoba indzebe ye-COSAFA kulandzelana.
