I-Chiefs ivaleleka ekoneni nga-Glody Lilepo

Kubukeka ngatsi i-Kaizer Chiefs kutawufanele itsatse sincumo lesikhulu nga-Glody Lilepo kuwindi yekutsengisa badlali lelandzelako.

Loku kungenca yekutsi sekuvele kwekutsi liyakhula likusasa lalomdlali lohamba phambili wase-Congo.

Sekuvumbuke mahlebo ekutsi lelicembu lase Lybia i-Al Ittihad iphume ngetinkani litingelana nalomdlali we-Amakhosi.

Kutsiwa ufunwa kakhulu ngulomceceshi walo lodzabuka eNingizimu Afrika, umceceshi Rulani Mokwena. Ucwayise baphatsi bakhe kutsi batingele lomdlali.

“Mokwena utsandza lendlela Lilepo adlala ngayo, futsi ukhulume nebaphansi be-Al Ittihad kutsi bakhulume ne-Chiefs ngalomdlali.

“Licembu livumile futsi litawuhambisa sicelo lesihehako madvute nje,” umtfombo locashuniwe usho njalo.

Kukholwa kutsi i-Chiefs ivulekile kutsi ilalele ticelo nga-Glody Lilepo njengobe ikontilaki yakhe iphela ngenyanga ye-INhlaba 2027.

Lelicembu lisetfubeni lokwenta imali lenhle ngalomdlali kunekutsi limyekele ahambe mahhala.

By:Nkosinathi