I-Manchester City ibuyise litsemba lekulwela lendzebe ye-EPL

Licembu le-Manchester City libuyise litsemba kulomjaho wesicoco salendzebe ye-English Premier League, ngemuva kwekutsi bashaye i-Crystal Palace nga-3-0.

I-City kucale yona yavula inkundla ngeligoli lelishatjwe ngu-Antoine Semenyo, wabuya Omar Marmoush washaya lesibili, kodvwa akukapheleli lapho nakabuya ngelesitsatfu Savinho.

Lemiphumela ibeka i-City kunombolo-2, ilandzela i-Arsenal ngemaphuzu lamabili. I-City inemaphuzu layi-77, bese kutsi i-Arsenal yona inemaphuzu layi-79.

Phela iCity icukule lendzebe iminyaka lemine kulandzelana, umangabe ingatsatsa nyalo itawube seyitsatsa kwesihlanu kulandzelana.

Sekusele imidlalo lemibili yemancamu, ingabe tintfo titawugucuka etafuleni? Sitawubona khona.

Imidlalo yekugcina yalamcembu lamabili, i-Arsenal ne-Manchester City:

Arsenal vs Burnley, ngomhlaka Inkhwenkhwrti 2026.

Crystal Palace vs Arsenal, ngomhlaka 24 Inkhwekhweti 2026.

Bese kutsi, Bournamouth vs Manchester City,  ngemhlaka 19 Inkhwekhweti 2026.

Wekugcina ngci, Manchester City vs Aston Villa, ngemhlaka-24 Inkhwekhweti 2026.

By:Nkosinathi