I-Pirates itawudlala nelase-Spain, iveta lawungayibukela khona

I-Orlando Pirates ichubeka nemalungiselelo ayo esizini ya-2026/27 ngemdlalo webungani ne-Córdoba CF yaseSpain ngaLesitsatfu ebusuku eMarbella.

Emabhakabhaka abuyele eSpain kwesitsatfu kulandzelana ayolungiselela isizini lensha.

Lelicembu libukene nesizini lematasatasa lapho litawuncintisana khona kuMTN8, Betway Premiership, Nedbank Cup, Carling Knockout Cup kanye neCAF Champions League.

IPirates yicinise sikwati sayo ngekusayina badlali labasha labanyenti, lokufaka ekhatsi nenkhanyeti lesakhula, Matome Mmolai.

Ngakulolunye luhlangotsi, lelicembu sehlehlukene nebanye badlali labafaka ekhatsi Karim Kimvuidi, Gilberto kanye naMelusi Buthelezi.

Tshepo Mashiloane naye uphindze wabolekiswa kuSekhukhune United lenye isizini.

ICórdoba CF icedze isendzaweni yesi-9 kuSpanish Segunda Division ngesizini leyengcile, okuyiligi lapho bekadlala khona Lucas Ribeiro, lodvume ngekudlalela iMamelodi Sundowns.

Nayo iCórdoba itawusebentisa lomdlalo njengelilungiselelo lesizini lensha, iphindze ihlole lizinga lekulungela kwayo.

I-Orlando Pirates isimemetela kutsi balandzeli batawukhona kubukela lomdlalo bukhoma kuSuperSport Channel 209 kanye nasesiteshini sayo lesisemtsetfweni ku-YouTube.

Story by Nkosinathi

 FUNDZA NALANA: I-Chiefs ikhuphula masokisi ngekufuna Phili