Lucas Ribeiro Costa of Mamelodi Sundowns (l) celebrates a goal with team mates during the CAF Champions League 2024/25 Preliminary Round 1st Leg match between Mbabane Swallows and Mamelodi Sundowns at Lucas Moripe Stadium, Pretoria on 14 September 2024 ©Phakamisa Lensman/BackpagePix

ISundowns ibhaxabule iSwallows koweChampions League kusihlwa

September 14, 2024 Banele Hlakanyane 233 Views

IMamelodi Sundowns FC iqale uhambo lwayo lweTotal Energies CAF Champions League ngokunqoba namuhla kusihlwa.

AmaBrazilians abevakashele ikilabhu yase-Eswatini iMbabane Swallows FC eLucas Moripe Stadium, e-Atteridgeville koweTotal Energies CAF Champions League. Lo mdlalo bekuyi-‘2nd Preliminary Round.’

IMamelodi Sundowns FC iqale lo mdlalo ngonyawo oluphezulu njengoba ishaye amagoli amathathu esiwombeni sokuqala. Bathole iphenathi ngomzuzu wesi-3 iMbabane Swallows idlalisa kabi u-Asekho Tiwani.

ULucas Ribeiro akazange aphoxe njengoba eshaye leyo phenathi. UMosa Lebusa ushayele amaBrazilians igoli lesibili ngomzuzu ka-17 ngekhanda.

Bekungakapheli njengoba u-Iqraam Rayners eshaye igoli lakhe lokuqala eqenjini ngomzuzu ka-40 kwaba ngu 3-0. Isiwombe sokuqala siphele ngo 3-0 iSundowns ibihamba phambili.

Ngesiwombe sesibili iSundowns ibuye ngamandla futhi njengoba ibisenza umsebenzi oncomekayo. Bashaye igoli lesine ngomzuzu ka-54 kwathi lelo goli lashaywa uRibeiro.

Lo mdlalo uphele ngo 4-0 kanti bekungokokuqala ukunqoba kule sizini kumaBrazilians emizuzwini engu-90.

La maqembu womabili asezobhekana ngesonto elizayo emlenzeni wesibili eLoftus Versfeld Stadium, ePitoli kanti elizonqoba lizodlulela kumaGroup Stage.