Iyanukelela iGolden boot ku-Sede Junior Dion we-Arrows

Lomgadli welicembu le-Golden Arrows Sede Dion lohamba phambili ngemagoli kulesizini ya-2025/26, sewuphindze wengeta ligoli bashaya iChippa United 2-0.

Kucale Issac Cisse washaya lekuvula inkundla ligoli, ekucaleni nje kwalomdlalo. Ngembi kwekutsi lomdlalo uye ekhefini washaya Junior Sede Dion.

Dion uhlanganise emagoli layi-14 alesizini, loku, kumenta abemdlali lohamba phambili ngemagoli, longahle aphumelele kutitfolela i-Golden boot.

I-Arrows inemaphuzu layi-40, ihleti endzaweni yesitfupha kulelitafula lalendzebe ye-Betway Premiership. Kantsi futsi basalelwe mdlalo munye.

Lomgadli loneminyaka leyi-27 ngebudzala, waseveni lase Ivory Coast, usanelitfuba lekungeta emagoli akhe, njengoba basalelwe mdlalo munye.

Badlale imidlalo ley-29, kushoda munye kutsi bacedze, i-Arrows ingenile ku-top8 lesizini, lokusho kutsi batawuphumelela kuyodlala iMTN-8 lesizini letako.

By:Nkosinathi