Kungani i-Chiefs ivakashele e-Spain? Kaizer Junior uyaphawula
Umcondzisi wetemidlalo weKaizer Chiefs, Kaizer Motaung Junior., sewuchaze sizatfu lesente kutsi lelicembu liyowenta emalungiselelo esizini
eSpain ngaphambi kwekucala kwesizini lensha.
Amakhosi abuyele eNingizimu Afrika ekucaleni kwaleliviki ngemuva kwekucedza sikhatsi enta emalungiselelo lasindzako ephesheya.
Motaung Junior utse luhambo beluhlose kunika licembu litfuba lekusebenta endzaweni lensha, kusita licembu lebaceceshi labasha kutsi lijwayelane nalelicembu, kanye nekungenisa kahle badlali labasha.
Umcondzisi wetemidlalo ukholelwa kutsi lelicembu lifeze yonkhe imigomo yalo njengoba iChiefs ichubeka nekulungiselela kucala kwesizini letako.
“Umgomo wekuyokhempa eSpain bekukukhipha licembu ekhaya liyewutfola simo lesihlukile, lijwayelane netimo letingakajwayeleki, kuhlanganisa licembu lebaceceshi labasha, kanye nekulungisa konkhe lokudzingekako kuze licembu lilungele isizini,” kusho Motaung Jr. kuwebhusayithi yeKaizer Chiefs.
“Kudlala imidlalo yebungani nemacembu lavela kumaligi lehlukene emhlabeni wonkhe kusite kakhulu licembu kutsi lijwayelane netindlela
letehlukene tekudlala.
Ngekusitwa ngumceceshi wetengcondvo losebente etindzabeni tekulungela ngekwengcondvo kanye nekuhlanganisa licembu, sifeze yonkhe imigomo lesasibekele yona.”
FUNDZA NALANA: I-Chiefs itukwetingcoco nemdlali wase-Zimbabwe lomusha
Basekeli beKaizer Chiefs batawucala kubona licembu lidlala mhla tingu-26 Kholwane (July), lapho Amakhosi atawuhlangana neScottland FC yaseZimbabwe emdlalweni weToyota Cup eRoyal Bafokeng Stadium eRustenburg.
