Kwavele kwayikhanyela i-Arsenal lapha ku-UCL 2026

Licembu le-Arsenal lase-England liphumelele kufinyelela kumdlalo wemancamu we-UEFA Champions League ngemuva kwekutsi bashaye i-Atlatico Madrid nga-1-0.

Lamacembu ku-1^st leg walomncitiswano adlala ngekulingana (1-1), eveni lase-Spain. Nyalo ku-2^nd leg Engilandi i-Arsenal ibhukulile tafinyelela esigabeni sekugcina salomncitiswano.

Bukayo Saka losandza kubuya enkundleni lobekanyamalele sikhatsi lesidze, ubuye ngeligoli lelikhiphe i-Arsenal enkingeni.

MaGunners nyalo alindze licembu lelitawuphumelela emkhatsini kwe-Bayern kanye ne-Paris Saint-Germain yase-France.

Lomdlalo utawutsatsa indzawo eveni lase-Germany ngoLwesitsatfu ebusuku. Lamacembu adlale 5-4 eParis ku-1st leg, kwawina i-PSG kulomdlalo lobewumatima ngendlela lesimanga.

Ingabe i-Bayern itawubuya kulomdlalo njengobe yadliwa nga-5-4 kulomdlalo wekucala? Sesitawubona khona kutsi ‘kuyawutala nkomoni’ kulomdlalo.

By:Nkosinathi