Kwentakalani nga-Cassius Mailula? Imenenja yakhe iyachaza…..

Likusasa la-Cassius Mailula alicaci kahle, kantsi umnyakato wakhe lolandzelako ungahle ucace kahle emaphetselweni alesizini.

Lomgadli loneminyaka leyi-24 ngebudzala lobolekiswe ecenjini le-KV Kortrijk asuka ku-Toronto FC.

Lelicembu lase-Belgium selikhushuliwe esigabeni seligi, kantsi akucaci ngalomdlali kutsi iKortrijk itomsayina ngalokuphelele lomgadli.

Mailula ubukane nebumatima esikhatsini sakhe e-Europe, advonsa kamatima kutsi acaliswe nemidlalo ecenjini.

Kutfutsela kwakhe phesheya kulandzela imali lenga nga-R30 million leyabhadalwa licembu le-Mamelodi Sundowns ngemnyaka wa-2023 Inyoni.

Kusukela lapho ubolekiswe kulamanye emacembu, ucale wajoyina iWaydad Atletic Club eveni lase-Morocco.

Bekubukwe kutsi lomgadli utawubuyisa ifomu yakhe njengobe bekatfole litfuba nekuphindza asebentisane nemceceshi Rulani Mokwena.

Imenenja yakhe, Karabo Tshabuse we-P Management, ikubeke kwacaca kutsi tingcoco mayelana nelikusasa lakhe tisengakacali.

“Lamacembu lamabili asachubeka nalomdlali, njengobe sivumelwano sekubolekiswa kwakhe siphela emaphetselweni alesizini,” kusho yena ku-SABC Sport.

Kodvwa kungenteka lamacembu lamabili atawutfola litfuba lekucoca ngesivumelwano lesisemtsetfweni ngalomdlali, njengobe kuyiwa ekhefini ngalenyoni ye-INhlaba.

By:Nkosinathi