LIONEL MESSI UTSI UYAVALELISA KU-ARGENTINA
Moya wa-Messi uvele waba phasi ngemuva kwekudlala mdlalo wakhe wekugcina e-Argentina bancoba 3-0 kumdlalo weku-qualifaya tukwendzebe yemhlaba (World Cup) bancobe licembu le-Venezuela ngalwesine e-Estadio Monumental phakatsi e-Buenos Aires, utse kucedzelela noma kuphumelela ekucaleni phambili kwebalendzeli basekhaya, liphupho bekasolo afisa kulifeza.
Messi ushaye emagoli lamabili Lautaro Martinez washaya linye, njengobe sikhiya se-Argentina Meissi atsatssa umhlala phasi ngemuva kwalomdlalo eveni lakhe. Lesikhatsi bambuta ngemidlalo lelandzelako ye-World Cup kuleluhlobo lelilandzelako e-United States, Mexico nase-Canada, Messi utse, “Sitawubona.”
“Kunemiva leminengi, ngihlangabetane netintfo letinengi enkhundleni,” Messi ukhulume ngemuva kwekuphela kwalomdlalo. “Kuhlala kuyinjabulo kudlala e-Argentina nebantfu betfu. Sihlala sijabulela midlalo ngemuva kwemidlalo minyaka leminingi. Ngijabule kakhulu, kukhona kucedzelela ngalendlela lana bekuliphupho lami.
“Minyaka leminengi, ngibe nelutsandvo ku-Barcelona, futsi liphupho lami bekukutsi ngibe nalo nalana, eveni lami nebantfu bami. Minyaka leminengi, tintfo letinengi tikhulunyiwe, kodvwa ke, ngitawuhlala nalokuhle.
i-Argentina ingene enkhundleni yemdlalo wangaLwesine inemaphuzu la-35 kumidlalo le-16, beyivele iphumelele kuyodlala Indzebe ye-World Cup ya-2026.
Messi utsi angatsandza kudlala kumidlalo ye-Ndzebe yemhlaba (World Cup), utawuchubeka anakekele mtimba wakhe kuletinyanga letilandzelako kuchubekela kulomcitiswano kubona kwekutsi kuyenteka yini.
“Njengobe ngasho nakucala mayelana ne-World Cup kwekutsi angiboni kwekutsi ngitophindze ngidlale lenye. Ngenca yemnyaka wami, intfolelingene kakhulu kutsi angeke ngiphumelele,” kusho mdlali lomkhulu we-Inter Miami. “Kodvwa ke, kusele kancane sifike, ngako-ke ngijabulile futsi ngigcugcutekile kwekutsi ngidlale. Njengobe ngihlala ngisho, ngiyamalanga nemalanga, ngiya ngekutsi ngitiva njani.”
