Liyavalelisa lisotja le-Manchester City emaphetselweni alesizini
Lomdlali wasemuva we-Manchester City, John Stones uyavalelisa emaphetselweni alesizini, ngemuva kwekutsi acitse iminyaka lelishumi agijima kulelicembu.
Stones ugijime iminyaka lelishumi kulelicembu le-City, uncobe tindzebe letinyenti nalelicembu. Tindzebe letisitfupha te-Premier League, yinye ye-UEFA Champions League.
Waphindze wancoba i-FA Cup kabili nalelicembu, kufaka ekhatsi i-Carabao Cup kasihlanu, iNdzebe ye-Community Field katsatfu, kanye ne-UEFA Super Cup.
Lomdlali wasemuva we-City waphindze wancoba indzebe lekhulu mhlaba wonke jikelele, indzebe ye-FIFA Club World Cup kanye nalelicembu le-Manchester City.
Udlale imidlalo leyi-293, washaya emagoli layi-19, kanye nema-Assist layimfica kusukela wajoyina lelicembu.
Nyalo sekubikwe kutsi lomdlali loneminyaka leyi-31 ngebudzala lodlalele lelicembu iminyaka lelishumi uyahamba nakuphela lesizini, kantsi futsi kusete futsi licembu lelibike ngekumfuna.
“Iyini kimi iManchester City?, ibelikhaya lami iminyaka yonke lelishumi. Kantsi futsi itawuhlala ilikhaya lami ingunaphakadze,”kuphawule Stones.
By:Nkosinathi
