Lokwenta Steven Pienaar atsi iBafana Bafana itawushaya iMexico

Ingwazi yeBafana Bafana, Steven Pienaar, utsi iBafana Bafana itawushaya iMexico kulowe FIFA
World-Cup.

Lomdlalo utawutsatsa indzawo e-Estadio Azteca ngoLwesine, ngo-09:00 ebusuku.

Lomdlalo uyinkumbuto yemdlalo wa-2010, lapho iNingizimu Afrika yadlala ne-Mexico ku-FIFA World Cup-2010.

Pienaar utsemba kwekutsi iNingizimu Afrika itawuncoba nga-2-0. Ngoba lela Hugo Broos licembu lanyalo licine kundlula lela-2010.

Uphindze wangeta ngekutsi, lelicembu le-Mexico lanyalo alikacini kundlula lebadlala nalo iminyaka leyi-16 leyengcile.

“Ngingadutjulwa enhloko umangingasho loku, kodvwa akunankinga. IBafana Bafana itawuwina nga-2-0,” kusho Pienaar.

“Futsi lelicembu lanyalo (Ningizimu Afrika) lincono kuleli besinalo tsine.

“Nale Mexico yanyalo ayifani nalesabukana nayo ngo-2010.

“Ngako ke, ngicabanga kutsi sitawuncoba nga,-2-0 kulomdlalo.”

IBafana Bafana itawucudzelana ne-Mexico ngoLwesine, kulomdlalo we-FIFA World Cup 2026.

Lelicembu litawube liholwa ngumceceshi Hugo Broos, kantsi futsi lona ngumncitiswano wakhe wekugcina nalelicembu.

Story by: Nkosinathi