Lowe-Chiefs uncoma Mduduzi Shabalala lovutsako lamalanga

Umceceshi welicembu le-Kaizer Chiefs Cedric Kaze uncome Mduduzi Shabalala lovete timpawu tekubuyela efomini.

Ngemuva kwekutsi lomdlali wesisu ashaye i-assist, ngebhola lehle layinike Da Silva washaya ligoli bashaya iGalaxy 2-0.

Loweminyaka lengemashumilamabili nakubili, Mduduzi, bekachakatabkulrmidlalo lembalwa labasuka kuyo, kakhulukati kulomdlalo lapho bashaye khona iTS Galaxy 2-0, umceceshi Kaze wakuncoma loko.

“Shabalala ungumdlali lomuhle futsi lonelikusasa lelihle kakhulu, kuliciniso kutsi kubenesikhatsi lapho bekabukane nebumatima befomu yakhe, kanye nekugcekwa lahlangabetane nako,”Kusho Kaze.

Lomceceshi wase-Burundi Kaze, ubone ingucuko lekhulu kulomdlali ngemuva kwesikhatsi lesidze acindzetelekile ngalefomu yakhe.

“Uyati, kuyincenye yekuba ngumdlali webhola letinyawo, lokubalulekile kutsi ubenemcondvo lokhaliphile futsi ukhone kuchubekela phambili,”kungete Kaze.

“Kodvwa nyalo sitawubuka nekugcina ifomu yakhe, kulemidlalo lelandzela,” uphindze wabika.

I-Chiefs ihleli kunombolo-3 nemaphuzu layi-42 ngemuva kwekutsi incobe midlalo lemitsatfu kulandzelana. Batawubambana ne-Polokwane City ngoLwesitsatfu e-Peter Mokaba Stadium.

By:Nkosinathi