Makgopa naMbatha batawube bakhona ngeDerby? Ouaddou uyaphawula

Umceceshi we-Orlando Pirates Abdeslam Ouaddou, ubike ngekutsi Evidence Makgopa kanye naThalente Mbatha batawube bakhona kulomdlalo weDerby.

Evidence Makgopa loneminyaka le-25 ngebudzala, ungulomunye webadlali lebatikhiya kulelicembu le-Orlando Pirates.

NGA EVIDENCE MAKGOPA

Ube sikhiya ngaphansi kwemceceshi Ouaddou kulesizini, kodvwa waphtselwa midlalo lemibili lapho badliwe khona iSundowns kanye ne Casric Stars.

Lomgadli lokhaliphile ushaye emagoli la-3, kumidlalo le-14 nalelicembu, wasita lelicembu kutsi lilandzele iSundowns ngemaphuzu.

Ngako-ke, Ouaddou ubike kutsi, lomgadli lokhaliphile utawube akhona kulomdlalo wabo neChiefs ngemgcibelo 228-INdlovanaeFNB Stadium.

NGA THALENTE MBATHA

Besekutsi lomdlali wesisu Thalente Mbatha lophutselwe midlalo lemine ngenca yekulimala, kutsiwa nyalo ululeme futsi ubuyelile enkundleni yekutivocavoca.

Kantsi futsi naye Thalente Mbatha utawube akhona kulomdlalo lomkhulu we-Derby.

LOKUSHIWO NGU OUADDOU NGALABADLAI…..

“Makgopa besekavele ahlangene nalelitsimba, kantsi siyajabula futsi kumamukela futsi ecenjini,” kubike Ouaddou ngoLwesine.

“Ubuyile enkhundleni yekutilolonga, upholile futsi ucalile kutivocavoca natsi, kantsi futsi ungumdlali lodzingekako kulesikwadi.

“Lomunye mdlali nguMbatha, ngiyajabula kutsi ubuyile wajoyina lelitsimba ngoba bekunemibuto leminengi lemihacile.

“Naye bekalimele, futsi ngiyajabula kakhulu kumbona abuyile futsi apholile,”kungetele Ouaddou.

LOMDLALO UHLELEKE NGALENDLELA…

Lomdlalo emkhatsini we-Kaizer Chiefs kanye neOrlando Pirates, utawutsatsa indzawo eFNB Stadium, ngensimbi ya15:30 emini, ngemgcibelo ngeti-28 te-INdlovana.

By:Nkosinathi