Maseko Uyavuma ngalokuphelele ngekungatfoli sikhatsi lesanele sekudlala
Thapelo Maseko sewuvele wakhuluma liciniso mayelana nelikhasi lelimyama lemsebenti wakhe lomcane .
Lomdlali weliphiko we-Mamelodi Sundowns, lofike asuka ku-SuperSport United (nyalo Siwelele FC) ngenyanga ya-kholwane 2023 anemaphupho ekutfutfukisa umdlalo wakhe, akakaboni sikhatsi lesanele sekudlala e-Chloorkop.
Ngeli-Sontfo, loweminyaka lenge- 21-ngebudzala uyifisise ku-Instagram achaza kutsi indlela yekulwela kutfola sikhatsi sekudlala seyiyente walahlekelwa sineke ebholeni letinyawo.
“Angati kutsi kwacala nini…kodvwa kuvakala ngatsi lomlilo lenginawo kimi uyashabalala,” kubhala yena.
“Ngiseseveta ngifundza njengobe kuphila kwami kuncike kukho, ngisacindzetela ngisho ngetulu kwemisipha lekhatsatekile, ngisho nemphi yemqondo, kodvwa ngaphakathi kunelilunya.
“Nanyalo ngisatilolonga ngatsi imphilo yami itsembele kulo, ngisachubekela phambili , timphi tengcondvo, tukwemisipha lekhatsele lobandzako, kodvwa ngaphalatsi kuvakala kungenalutfo.”
“Mdlalo lokewajabulisa umphefumulo wami, nyalo uvakala usindza, ubandza.”
Ukhulume ngekunikela ngakokonkhe kodvwa utiva angabonwa noma kungabonakali, nekutitsemba kudzilika nenjabulo ishabalala.
“Nyalo litsemba selivakala likhashane…kungalendlela ke kulahlekelwa sibani sakho. Sigaba lesindzima kakhulu? Utivete mihla nemalanga, ukhulekele kutsi uphindze usitfole.”
Maseko akakafakwa ku-sikwadi se-Sundowns se-FIFA Club World Cup ngenyanga ye-Nhlaba, phakatsi kwemibiko lebeyivele ichaza kutsi angahle aye-phesheya, nekutsi licembu lase-Cyprus lifake sicephu.
Kodvwa kute lokwentekile ngekumhambisa kwanyalo, futsi msebenti wamaseko ubonakala usesigabeni sekutsi akhetse indlela.
Kwanyalo, umdlali weliphiko lomncane kufanele alwe kutsi afakwe ku-sikwadi semdlalo njengoba i-Sundowns ibukene nemincitiswano yasekhaya neyase-Mphumalanga ye-Afrika.
