Menzi Masuku utsatse sinyatselo lesimangalisako

Lona loke waba ngumdlali welicembu le-Golden Arrows kanye ne-Orlando Pirates.

Menzi Masuku utsatse tinyatselo letimangalisako tekuya kulelicembu le-Al-Shabab Club.

Loweminyaka le-32 ngebudzala lobekatukwelicembu lesive lebeliye  kuyocudzelana kumncitiswano we-African Nations Championship (CHAN) ekucaleni kwalomnyaka.

Ngemuva kwekutsi ashiye licembu le-Arrows, uhambe wayohlala e-Bahrain.

Uke waba incenye yemathalente lake atsembisa kulelive lase-Ningizimu Afrika, luhambo lwakhe kulelicembu le-Mpumalanga Black Aces, Roses United.

Kanye nele-Jomo Cosmos, lelimnike umkhondvo wekufika kule-Pirates, lapho acale khona kulelicembu lelincane, ngembi kwekutsi ashaye emagoli lamabili kulomdlalo wakhe wekucala.

Ukewaba incenye yelicembu lesive lema U23 Africa Cup of Nations lelaphumelela kubamba nombolo-3 kulomnyaka wa-2015.

Lelicembu lase liphumelela kuyodlala ema-Olympics lapho abe incenye yesquadi e-Rio, phakatsi eveni lase-Brazil lebeliholwa ngu-Owen da Gama.

Masuku kusukela wadlala kulelicembu le-Chippa United, Bloemfontein Celtic, Royal Am Kanye nele-Arrows ngemuva kweminyaka lelishumi leyengcile.

Wadlala imidlalo lengetulu kwa-200 ngephansi kwelibhande lakhe kulelase Ningizimu Afrika ezingeni lelisetulu.

Menzi Masuku washaya emagoli la-19 nema-assist la-21, kulemidlalo layidlalile.