Mnqithi ukhuta, iPirates,iChiefs, neSundowns ngalesihlabane seArrows.

Umceceshi weGolden Arrows Manqoba Mngqithi ukhuta emacembu lamakhulu ePSL, iPirares, Chiefs, neSundowns ngaSiyanda Ndlovu.

Siyanda Ndlovu unelikusasa lelichakatile lekutsi ayodlala phesheya hhay kugibela ubhasi utstse luhambe leluta eJoburg.

Lomceceshi we ‘Abafana bes’thende’ utsemba kwekutsi lomdlali loneminyaka lengu-22 ngebudzala usanelitfuba lelihle.

Ndlovu usanelitfuba lekutfutfuka akhaliphe ngalokuphelele kutsi akhone kutsengiselwa emacembu aphesheya kwelwandle.

Ndlovu unemtselela wemagoli langu-9 kulelicembu  ulandzela Junior Dion lonelishumi longumgadli lomkhulu walelicembu.

Mngqithi ukubeke kwacaca kwekutsi lomdlali akafuni adlalele letingcalamba taseNingizimu Afrika ngoba angeke bamcabangele ngelikusasa lakhe.

Mahlebo atsi iSundowns ichubekile ngekufuna lomdlali, batsembisa nekulondvolota likusasa lalomdlali.

TIMPHENDVULO TA-MNQITHI

“Lena kahle kahle imatima nyana kumi njengemceceshi umasekfanele ngibukane nayo.

“Kuhluke ngemdlali nemdlali, ngoba labanye bangeva tintfo ngabo, noma iLaduma ingaveta sitfombe sabo.

“Ngako ke, utawucala kubona mfana sekasaba nekugibela itekisi noma ibhasi kutsi ete enkhundleni yekutilolonga sekumele umcashele imoto ngalokufihlakele,” kuphawule Mngqithi nakabutwa beiDiski Times kutsi lamahlebo amphatse njani lomdlali.

“Kukhuluma liciniso Squish (Ndlovu) ungumdlali lokhona kutehlisa kakhulu, uyatsandza kufundza, futsi uyayivisisa ibhola kakhulu.

“Lamacembu ayatsandza kukhuluma kumidiya, kantsi esijhatsini lesinyenti kusuke kute intfo lemcoka leyentekako, basuke nje batibhalela,”Kungetele yena.

Kuvele kwekutsi iSundowns itfumele sicelo lesibika kusayina lomdlali losasemncane, phela iSundowns ifuna kwandzisa linani lebadlali njengobe badlala mincitiswano leminyenti kakhulu.

By:Nkosinathi