OSWIN APPOLLIS WENTELE BALANDZELI BUSUKU LOBUHLE

I-Orlando Pirates beyicudzelana nelicembu le-Siwelele FC lebekuyi Super Sport United e-Toyota Stadium entsambana ngensimbi ya-19h30.

Lomdlalo ube mudze kakhulu betitindzala totimbili, ihhafu yekucala lamacembu omabili adlale kulingana, bese ngesigaba sekugcina salomdlalo soya ngasekupheleni, Appollis longene ngehhafu yesibili yalomdalo watfola ligoli lelihle.

Ibhola lehle ledlaliwe ngu Mofokeng yatfola Makgop naye longene mdlale soyophela wandlulisela Appollis ibhola wayilungisa kahle washaya lelihle ligoli phakatsi ebhokisini.

Licembu le-Orlando Pirates alikabi nesicalo lesihle kulesizini kodvwa nyalo tintfo tijikile bawina midlalo yabo yonkhe lebahlangana nayo. Lelicembu lisuka kunombolo-7 liyakhuphuka liyolandzela i-Chiefs lesemuva ngemidlalo lemibili ledlala kusasa nelicembu le-Marumo Gallants.

Mabhakaniya anemaphuzu la-12 ayotsatsa sihlalo kunombolo-4 we-Betway Premiership. Bese kutsi Siwelele sona siyohlala kunombolo-15 phasi.

I-Man of the Match itsatfwe ngu-Mbekezeli Mbokazi lobekabavimba emuva ngekutikhandla futsi longukapteni waleli cembu le-Orlando Pirates.