Phakamani utfole lelinye litfuba ku-Premiership

Phakamni Mahlambi uzama kuhlanganisa likusasa lakhe futsi ebholeni letinyawo, nyalo ubuye ngelicembu le-TS Galaxy.

Phakamani Mahlambi watilolonga nelicembu le-Durban City ekucaleni kwalesizini, nemceceshi Gavin Hunt lobekafuna kumsita kutsi avuke.

Kodvwa loku akumange kusebente. Kantsi nyalo umphatsi we-TS Galaxy Tim Sukazi umnike lelinye litfuba lekutsi achubeke ngelikusasa lakhe.

Loku kuphawulwe ngumceceshi Adnan Beganovic lobike kutsi Phakamani Mahlambi utilolonga nabo.

“Ungumdlali lomuhle kakhulu lonetitayela letimangalisako,” kuphawule Beganovic mayelana na-Mahlambi.

“Sitsatse sincumo nasihlalo lobute kutsi siyafuna kumlinga siphindze simchube kutsi abuyele ebhizinisini.

“Ngicabanga kutsi lkiyamufanela litfuba lesibili kantsi futsi sijabulile kutsi sitfole lelitfuba lekwentaloko.

“Kodvwa konkhe loko kukuye, kwamele achube kuhle atfutfuke. Kantsi lengikubonile kwanyalo kuye kutsi ufuna kwenta njalo.

“Uyazama, uyatichuba. Kodvwa asimnikeni sikhatsi. Akukho lula, Siyati uyalwa onkhe malanga.’

Tukwemlandvo wakhe webhola, Mahlambi udlalele i-Bidvest Wits, Al Ahly kanye ne-Mamelodi Sundowns.

Uphindze waba nelitfuba nelicembu le-Chippa United.

Beganovic utse uyavisisa ligalelo laMahlambi nekutsi kungani asebenta ngekutikhandla kutsi akhone kubuyela emdlalweni.

“Bekanayonkhintfo. Bekadlalela licembu lelikhulu kakhulu la-Afrika, bese ulahlekelwa ngiyonk’intfo futsi nyalo ubaphasi.

“Akusimayelana nekutsi awakangaki phasi, kodvwa kungekutsi usukuma njani uphindze ulwele intfo leyikulahlekele.

“Kungako ngicabanga kuwekutsi limufanele litfuba lesibili kantsi futsi nginelitsemba lekutsi utawutfutfuka.”