Rele Mofokeng ukhetse umdlali wakhe lohamba phambili ku-PSL

Relebohile Mofokeng we-Orlando Pirates utikhetsele Oswin Appollis njengemdlali wakhe lohamba phambili i-PSL yonke.

Loku kulandselq ngemuva kwekutsi Oswin Appollis ashaye ligoli ngebhola lesuke ku-Mofokeng, bashaya licembu le-AmaZulu.

Ubuye watfola umklomelo wekuba i-Man of the match kulomdlalo, lona ngumklomelo wakhe wesine kulesizini Oswin Appollis.

I-Pirates ishaye Usuthu 3-0, kulomdlalo we-Betway Premiership ngeMgcibelo, emini, eOrlando Amstel Arena. Lemiphumela ibanyuse yababeka kunombolo-1 we-Betway Premiership.

I-Pirates itfole lekubika ngebhola lefakwe nguTshepang Moremi yatfola Yanele Mbuthuma washaya ngenhloko phakatsi ebhokisini.

Ngembi kwekutsi lomdlalo uye ekhefini, Oswin Appollis utfole ligoli lakhe lelihle lesibili kulomdlalo, lomdlalo uye ekhefini nga-2-0. Kodvwa akumange kuphelele lapho Mofokeng ubuye wengeta lesitsatfu lelihle angaphandle kwelibhokisi.

Lemiphumela ikhule iPirates ngemaphuzu, banemaphuzu layi-58, iSundows iyalandzela nga-56 kanye nemidlalo lemibili esandleni.

Mofokeng uvete ku-Instagram yakhe, wafaka sitfombe sakhe na-Appollis, wabuye wabhala ku-caption yakhe. “Best Player in the PSL @Oswinappolis.”

Appollis uphumelele kuba mtselela lomuhle wemagoli layi-20 (11 wemagoli, 9 wema-assist), liphupho lakhe lelicale nelicembu le-Orlando Pirates lesizini.

Relebohile yena uphumelele kushaya emagoli layi-11 kanye nema-assist lasiphohlongo kulesizini lesikuyo. Nyalo lelicembu lilungiselela umdlalo lomkhulu we-Soweto Derby nelicembu le-Kaizer Chiefs.

By:Nkosinathi