Ricardo Goss uvikela Broos, usola balandzeli

Nozinti weBafana Bafana Ricardo Goss uphumele ebaleni wavikela lomceceshi we-Bafana Bafana Hugo Broos.

Lomceceshi uhlangabetene nekugcekwa ngemuva kwekutsi lelicembu lesivve iBafana Bafana idliwe nga-2-0 iMexico kulomdlalo weFIFA World Cup.

Balandzeli kanye nebahlatiyi basole lomceceshi ngendlela bekahlele ngayo kulomdlalo wabo wekucala e-Estadio Azteca.

Kodvwa Goss ukholwa kutsi lomceceshi akahlonishwa ngendlela leyanele.

Lonozinti we-Siwelele FC utsi bantfu basheshe bakhohlwa umsebenti lomuhle loyentiwe ngu-Broos kusukela atsatse tuntsambo kuleliceumsebu.

“Kuyadzabukisa kutsi ngasikhatsi abuki tintfo ngendlela lenengcondvo,” kusho Goss.

“Angisho kwekutsi akufanele sifune kuncoba, kodvwa kugcekwa kwa-Broos akukalungi.

“Ungabuka konke lakwentele iBafana Bafana, umsebenti wakhe ubemuhle kakhulu.”

FUNDZA NALANA/’Kimvuidi ugcine naye atitfolele licembu phesheya”

Ricardo Goss uphindze waveta budlelwano Broos lanabo nebadlali. Utsi nanoma acinisa sandla ejimini, kodvwa kubo ufana nababe.

“Siyati kwekutsi umangabe tintfo tingahambi kahle utasithela liciniso,” kuchubeka Goss.

“Kodvwa uma sekuphelile kucecesha, ubye abengumuntfu lotsandza kutihlekela natsi. Sisamtsandza futsi sitamulwela.

Goss uphindze wavikela kapteni Williams ngrmuva kwekutsi agcekwe balandzeli ngemaphutsa lakentile muva.

I-Bafana Bafana iyobambana ne-Czechia e-Mecerdes Benz Stadium e-Atlanta ngo-Lwesine.