Sekwentiwe tingucuko telusuku kulomdlalo we-Dabi:Chiefs v Pirates

Lomdlalo we-Dabi emkhatsini we-Kaizer Chiefs kanye ne-Orlando Pirates lona bekufanele udlale ngamhlaka 25-Mabasa ngeMgcibelo sewutawudlala ngemhlaka 26-Mabasa nge-LiSontfo.

Lomdlalo lomkhulu waletingcalamba tase-Soweto utawutsatsa indzawo eFNB Stadium, ngensimbinya-15h00 emini.

Ukhumhule kutsi lamacembu lamabili asandza kuhlangana kwekucala kulesizini lapho iPirates icuphe khona umlandvo yashaya lelase Naturena 3-0 kulomdlalo lomkhulu we-Betway Premiership.

Emagoli kwashaya Tshepang Moremi, Oswin Appollis kanye na-Evidence Makgopa asuka ebhentjini.

Lamacembu atawuhlangana kwesibili. Umdlalo lomkhulu wase-Ningizimu Afrika, balandzeli labanyenti batawube balindzele kubona lomdlalo.

IChiefs isandza kuncoba kumidlalo yayo lemibili kulandzelana, ishaye i-Durban City 1-0, yabuya yashaya iMagesi FC 2-0.

Kulomdlalo we-Derby iChiefs itawufuna kutiphindzisela, kodvwa iPirates nayo njengobe igijimisana naleligi, angeke ivume kudliwa kulomdlalo.

By:Nkosinathi