“Sidlale kahle kakhulu”: kusho Broos badliwa iMexico

Umceceshi we-Bafana Bafana Hugo Broos, nanoma badliwe 2-0 iMexico kulomdlalo wekucala we-FIFA World Cup ngoLwesine ebusuku yena solo uyema utsi, “Sidlale kahle kakhulu.”

I-Bafana Bafana ibambame ne-Mexico ngoLwesine ebusuku, eMexico City, e-Estadio Azteca.

I-Mexico iwine nga-2-0, bashaya lelase Ningizim Afrika kulomdlalo weNdzebe yemhlaba.

Nyalo iMexico ihleli kunombolo-1 kuloluhlangotdi lwa-Group-A. Banemaphuzu lamatsatfu, balandzelwa I-South Korea, nayonlencobe nga-2-1.

I-Mexico itfole ligoli lekubika ekucaleni nje kwemdlalo nga-Julian Quinones. Utse lomdlalo
nawubuya ekhefini Siphephelo Sithole watfola likhadiblelibovu.

Yabuya iMexico yatfola ligoli lesibili lenhloko nga-Raul Jimenez. Wabuya Themba Zwane ete nemizuzu lengakanani angenile washaya umuntfu ngempama, watfola lakhe lelibovu.

Nanoma imiphumela ime ngalendlela, umceceshi Hugo Broos, utsi babenemdlalo lomuhle kakhulu,
nedi kushoda nyana tintfo letincane lekufanele batilungise.

“Ngicabanga kwekutsi sidlale kahle kakhulu, ngoba kulesinye sikhatsi kulomdlalo iMexico beyihluleka kutfola ematfuba.

“Bebangakhoni kutfola tikhala tekungena, ngako-ke, konke bekuhamba kahle kakhulu.

“Intfo lekufanele siyilungise leyenteke namuhlu, kutsi umasitfola ibhola sati kwekutsi sentani ngayo.”

I-Mexico nayo ibuye yatfola likhadi lelibovu. Gemuva kwekutsi, César Montes adlalise kabi Khuliso Mudau.

I-Bafana Bafana iyodlala ne-Czechia ngomhlaka 18-Inhlaba 2026. Lamave lamabili atawube alwela kutfola emaphuzu.

Story by Nkosinathi

FUNDZA NALANA/ ‘Imenenja yaMbule icacisa ngesifiso sakhe’