‘Sifuna kwenta intfo lengakase yenteka mhlaba wonke jikelele’: Cardoso
Ngemuva kwekutsi I-Sundowns ifinyelele emaphetselweni eCAF Champions League kwesibili, nyalo babuyile kutobukana nemidlalo ye-Betway Premiership.
Miguel Cardoso utsi nanoma lelicembu lakhe lijabulele Kufinyelela kumdlalo wemancamu lapha ku-CAF Champions League.
Kodvwa nyalo sikhatsi sekutsi bagucule imicondvo yabo bagijimise i-ligi ye-Betway Premiership, njengobe basemuva ngemidlalo lemibili.
I-Sundowns ishaye licembu lase-Tunisia Esperance de Tunis nga-2-0, baphumelela kufika kumdlalo wemancamu we-CAF Champions League.
Kodvwa ngemuva kwekujabula, Cardoso uphutfume wacwayisa badlali bakhe kutsi umsebenti usasemnengi, basalelwe midlalo lesikhombisa lekufanele kutsi idlaliwe nga-21 wemalanga.
Lomceceshi utsintse ngemidlalo yemancamu layidlale nelicembu lakhe lakadzeni.
“Angati kutsi usakhumbula lomdlalo wemancamu lesawudlala ne-Al Ahly kanye ne-Esperance, sahlangabetana ne-own-goal.
“Ibhola yekhona yafakwa phakatsi ebhokisini, yashayisa linyawo lemdlali wami yangena phakatsi enethini,” kusho Cardoso.
“Ngemaminitsi ekugcina sitfole iphenathi kodvwa abazange bayibeke. Lelitfuba lelo beliyosiwinisa limdlalo sitsatse lendzebe.
“Tincane tintfo letikubanga uhluleke noma udliwe ebholeni letinyawo. Kodvwa sitawulwa size sifinyelele esikhatsini sekugcina nngci.
I-Pirates ihamba phambili nemaphuzu layi-58, Sundowns yona ina layi-56, iSundowns isemuva ngemidlalo lemibili kuleyi sikhombisa lesele.
“Lolusenhliko yami nyalo Stellenbosch, Richards Bay, kanye nePolokwane City, ngiko lekufanele sikwente, imidlalo lesikhombisa ngemalanga layi-21, alikho licembu lelike lakwenta, kodvwa tsine sitakwenta.”
By:Nkosinathi
