TINKLER NANYALO SOLO UYALA KUDLIWA KU-BETWAY PREMIERSHIP

Umceceshi we-Sekhukhune United Eric Tinkler ucwayisa badlali bakhe kutsi bachubeke babambelele kugcinalendlela batimisela ngayo nekuphumelela kumidlalo yabo yonkhe.

I-Babina Noko ikoleke maphuzu ayo laphelele lamatsatfu kumdlalo wabo we-Betway Premiership nelicembu le-Goleden Arrows e-Peter Mokaba Stadium ngeMgcibelo, ligoli lelihle lelifakwe enethini ngumgadli wabo lomkhulu Brandly Grobler.

Tinkler utsi kuhlala etulu kwalelitafula ngemuva kwemidlalo le-Sikhombisa kukhombisa kutimisela nekutikhandla kwelicembu, kodvwa ke umncitiswano usezingeni lelisetulu.

“Ngicabanga kwekutsi kubalulekile kitsi kutsi sihlale simehlo mane singavumeli miphumela yetfu isihlale enhloko, kubadlali nakumalunga ebucwepheshe nebaceceshi belicembu.

“Sisebente kamatima kutsi sigcine sifike lana, kodvwa lomsebenti loyo kwamele uchubeke.”

Tinkler uvete kwekutsi malunga lasebentisana nawo amcwayise kwekutsi aphumute Grobler ngembi kwekutsi ashaye ligoli, kodvwa wachubeka ngekuhlala etsembeni kulomdlali, litsemba lelibuye labhadala kulomdlalo.

“Ubitwa ngekutsi sniper kulesizini, futsi besicabanga kumkhipha ngalesikhatsi kusele 10’ wemaminitsi kutsi umdlalo uphele, kodvwa balekeleli bami batse uma bangibuta kutsi singamkhipha, ngatsi cha, cha, cha, hhay namuhla. Siyamudzinga kulamaminitsi okugcina kulomdlalo.”