UMceceshi we-Orlando Pirates Abdeslam Ouaddou utsi ucela balandzeli bambeketelele kulobumatima labakubo njengelicembu.

UMceceshi we-Pirates  Ouaddou utsi uyavisisa kungajabuli kwebalandzeli futsi uyacela kakhulu kwekutsi bamuphe skhatsi tintfo tibe sesimeni lesikakahle.

I-Orlando Pirates idliwe midlalo yayo yekucala lemibili ye-Betway Premiership League, loku kubange kwekutsi kube nemibuto lesuka kubalandzeli mayelana neMceceshi lomusha Ouaddou.

Kodvwa uMceceshi utsembisa kwekutsi, “Ngiyavisisa kwekutsi balandzeli bayalitsandza lelicembu kulelive jikelele naku-Afrika yonkhe jikelele. Babantfu labanesineke kakhulu, balicembu lelikhulu la-Africa babamba sigaba se-12 kumacembu ase-Afrika vele wacala ngalendlela bayacansuka,

Kodvwa lengingabatsembisa kona kutsi sitobuya sinemandla futsi sitosebenta ngekutikhandla sijulukele kumela lembeji yalelicembu ngendlela lenhle kute siletse injabulo. Kusasesicalo lesi.” Kusho Ouaddou.

Umbuto lomkhulu kakhulu ngaMceceshi Ouaddou ne-Pirates njengobe bacala i-sizini lesha , nguloluhlangotsi lwalabadlali labasikhiya kulelicembu.

Bagadli bemagoli labasetulu kulesizini lendlulili, Thsegofatso Mabasa, Thalente Mbatha, kanye na-Dean Van Royen, bayincenye yalabo badlali.

Ouddou uchaze watsi uniketa bonkhe badlali litfuba. “Buka, sengivele ngiwuphendvulile lombuto, sinelicembu lelikhulu, sinebadlali labakhaliphile kakhulu. Wonkhe umuntfu utobaluleka kule-Sizini, wonkh’umuntfu utobaluleka. Akusiyo isizini lebi.”

“ Balungele, bayatikhandla futsi sikhatsi sitofika kutsi sibasebentise kulelicembu futsi bato sebenta ngekutikhandla.” Kusho Ouaddou angeta kulenkhulumo yakhe.

Satiso ngebadlali labalimele, Ouaddou utsi ngu-Nkosinathi Sibisi longukaputeni welicembu, kuphela, Olisa Ndah, kanye nemdlali wesisu Makhehleni Makhaula abekho etinhlelweni talomdlalo lolandzelako.

“Badlali labaningi bakhona, ngu-Sibisi kuphela , na-Makhaula losapholako. Sina-Ndah kanye nalabanye badlali labaningi batobe bakhona.”