Umceceshi weChiefs ukhala ngaVilakazi

Umceceshi weKaizer Chiefs, Khalil Ben Youssef, uvakalise kuphoceka ngemuva kwekutsi badlale kulingana nelicembu leChippa United.

Licembu leChiefs lihlulekile kuncoba kulomdlalo lobuwutsetse indzawo eNkhundleni yaseNelson Mandela Bay.

Lomdlalo udlale ngoLwesitsatfu, lamacembu adlale 0-0 agiyelana emaphuzu, lemiphumela ibeka licembu leChiefs kunombolo5 kulogo yeBetway Premiership.

Lokukwenteke ngemuva kwekutsi bahluleke ematfuba layincwaba kulomdlalo wabo neChippa United.

Litfuba lelicishe liwamdlula onkhe ngilela Mfundo Vilakazi lapho bekabukene nanozinti kuphela kodvwa Mkhize wayitsintsa kancane yaphuma lebhola.

Kube uyifake phakatsi lebhola Vilakazi beyitomenta lichawe lalomdlalo lobematima kakhulu.

Umceceshi Youssef,  kube Fatima kutsi amukele lamatfuba labawahlulekile, futsi amshiye advumatekile.

“Kwekucala, ngitsandza kuhalalisela iChippa United ngalomdlalo, badlale ngesakhiwo lesihle,  futsi bebalwela onkhe emabhola,” kuphawule lomceceshi.

“Kitsi, ngicabanga kutsi site tana lesingavika ngato ngalokwentekile kulomdlalo.

“Uma utfola ematfuba lamanyenti, ngisho lelisedvute ngemamitha lasitfupha ubukene ngco nanozinti bese uhkuleka kushaya ligoli…..kodvwa-ke injalo ibhola.”

Utse Yousseff kungakhoni kweChiefs kutsi icedzedzelele ematfuba lewatfolako, kusayinkhinga lekhulu lebabukene nayo.

“Kufanele sichubeke nekusebenta, kufanele silungise lenkhinga lefanako,” kwengete yena.

“Nyalo sesiyahlasela kahle, kodvwa kushoda sishaye emagoli. Leyo inklings lekhulu lesinayov, futsi kwamele sichubeke sisebente ngayo.”

IChiefs itawutfola litfuba lekugcina lekubuyela kunombolo-3, ngembi kwekufika sikhatsi selikhefu le-Afcon, litawubukana neTS Galaxy ngelisontfo.