Victor Hlungwani uphawula ngemaphenathi eChiefs
IKaizer Chiefs nikwe emaphenathi lamabili lashiye timbangi netinsolo kulemidlalo lemibili yayo lemibili lendlulile.
Bacale kulomdlalo weNedbank Cup lapho beyicudzelana khona neStellenbosch FC phakatsi nelisontfo lelindlulile.
Itse isalandzela ngemuva bayihlaba nga 2-0, yatfola iphenathi lebangwe kutsi Musa Lebusa uvimbe ibhola ya Flavio Da Silva ngesandla sekawile phakatsi ebhokisini.
KuCaf Confederation Cup ingoma lemnandzi iphindzile lapho Lilepo kuvinjwe ibhola yakhe ngesandla, beyicondze epalini, bebacudzelana nelicembu leAl Masry.
Lona bekangunompempe, Victor Hlungwani ukhiphe umbono wakhe ngalamaphenathi, wacacisa kutsi bekafanele noma cha.
“Kulomdlalo weKaizer Chiefs ne-Al Masry sibone kubekwa iphenathi ngesikhatsi sa-32,” kusho Hlungwani.
“Ey, bantfu be-Al Masry bakhala ngekutsi bekungasiyo – ake sibukisise umtsetfo kutsi utsini.
Hlungwani utse bekungasiyo iphenathi ngoba lesandla besihlaliseke endzaweni lefanele, ngako ke lonompempe utsatse sincumo lesingakafaneli.
Bese kuleye Stellies, utse bekungiyo iphenathi nompempe utsatse sincumo lesikahle kakhulu njengobe lomdlali wasemuva alule sandla wenta umtimba wakhe waba mkhulu.
