We-Pirates uvuma emaphutsa akhe, badlala kulingana (0-0) ne-Durban City.

Umceceshi we-Orlando Pirates, Abdeslam Ouaddou, uphawule ngemuva kwekutsi badlale kulingana nga-0-0 ne-Durban City, eOrlando Amstel Arena ngeMgcibelo.

I-Pirates iyachubeka ihlala kunombolo-2, ngemuva kwekutsi badlale 0-0 ne-City.

 Lemiphumela ibashiye nemaphuzu layi-66, balandzela I-Sundowns lena-68 wemaphuzu.

I-Bucks isanelitfuba lekugcina ngci, njengobe batawudlala ne-Orbit College letihlalele kunombolo-14 kumdlalo wekugcina ngci we-Betway Premiership.

Ouaddou uohawule nakabutwa be-Media, mayelana nalomdlalo. Uvumile kutsi wente emaphutsa ngekufaka aphindze akhiphe ebadlali.

Lomceceshi utsi, litsemba lisasekhona njengobe bayodlala nelicembu lelisemsileni.

“Siyoyitsatsa lendzebe kulomdlalo, wekugcina, phela kusafuneka sidlale nelicembu lesitsatfu kumacembu lamancame ePSL.”

“Ngiyavuma iPirates ayikatsatsi indzebe minyaka leyi-14, vele kubangelana kukhatsateka,” kusho Ouaddou.

“Ngiyavuma vele tincumo letitswtfwe esigabeni sesibili salomdlalo betingasitinhle.

“Besenta matata, esikhundleni sekutsi siphatse lomdlalo, besenta emaphutsa, sihluleka nekushaya emagoli.

“Kodvwa ke, ngifuna kusho kulabafana bami kutsi, ‘hambani niyotsatsa lendzebe kulomdlalo wekugcina,’ kantsi futsi sitawenta njalo.”

By: Nkosinathi