Hunt ufuna i-Durban City ikhohlwe ngalokudliwa i-Chiefs
Umceceshi we-Durban City Gavin Hunt utsi licembu lakhe kwamele bakhohlwe ngalomdlalo lebahluleke kuwo badlala nelicembu le-Chiefs nga-1-0.
Utsi kwamele banake kakhulu inchubekela phambili kumidlalo lelandzelako ye-Betway Premiership.
Mdlalo wabo lomkhulu lolandzelako bayodlala nelicembu le-Marumo Gallants e-Nkhundleni yase Chatsworth ngoLwesitsatfu.
Kudliwa kwabo kulomdlalo lodlalwe eNkhundleni yase Moses Mabhida, badliwe ngemaminitsi ekugcina emdlalo lokushiye Hunt advumatekile.
Akasanamandla kahle ekubuyisa licembu lakhe esimeni lesikahle sekutimisela.
“Vele ngalokusebaleni miphumela ayijabulisi,” kusho Hunt.
“Sikhombise kutimisela nekucina saphindze sababangela tinkhinga.”
Ngephandlen je kwekutsi badliwe, kodvwa lomceceshi lonelwati lelisezingeni abale kutimisela lokusezingeni lakubone kulabadlali bakhe, kakhulu kati labasase bancane.
“Licembu lelincane. Badlali bafike ngekuphutfuma, siyakha-ngakoke, sitawugileka,” kusho yena.
Hunt udvumatekile ngekubaluleka kwekubeketela nekutfutfuka, ahlatiya tintfo letibabuyisela emuva, nekufundza kulesigaba lesisetulu.
“Lemiphumela lena ayikuyisi phambili kodvwa iyakufundzisa, ikusita kutsi utakhe,” ungetile.
Ngesikhashanan je sekuphola, Hunt ubike kuvusa tinhloko licembu libe mehlo mane lilungiselele lomdlalo lolandzelako.
“Angeke sihlaliseke ngaloku, kodvwa kwamele sititfwale sivuse tinhloko sichubekele phambili kulomdlalo wangoLwesitsatfu,” kusho yena.
“Kwamele sizame kutichuba sitfole miphumela lemihle.”
Lomdlalo lolandzelako i-Durban City iyobe ibukene ne-Marumo Gallants, litfuba lelihle lekusula lihlazo.
Kantsi futsi litfuba lelihle lekukhombisa balandzeli babo kutrsi bakulungele kuchubekela pha,mbili ngekutimisela.
