I-Galaxy isengotini yekushodelwa badlali labatsatfu, iyodlala ne-Chiefs

Badlali labatsatfu belicembu le-TS Galaxy lersembele kubo angeke badlale kulomdlalo we-Betway Premiership bacudzelana ne-Kaizer Chiefs.

Mlungisi Mbunjana, Junior Zindonga, kanye na Oupa Motaung, ngibo badlali labatsatfu lesingeke sibabone kulomdlalo wangeti-12 Mabasa, lotawudlala eFNB Stadium.

The Rockets, idliwe midlalo lesikhombisa yemidlalo lesiphohlongo yeligi, bangenelwe magoli layi-16, bona bashaya lasihlanu nje kuphela.

Lomnyakato wabo lona ubabeke endzaweni yelishumi nakunye, basephambili ngemaphuzu lasiphohlongo kutsi bangatfolakali behliswa pheceleti i-relegation.

Ngaphandle nje kwekutsi bafinyelele emdlalweni wemancamu eNedbank Cup, iGalaxy ibukene nebumatima ku-ligi, kantsi futsi kutawuba matima kutsi ibhukule ku-Amakhosi lancobe 3-yemidlalo kulandzelana.

Ngelisontfo labadlali letsembe bona labatikhiya talelicembu bayobe bangekho, bayocudzelana ne-Amakhosi eFNB Stadium.

Mbunjana kanye na-Zindonga bamisiwe ngenca yekufinyelela esigabeni sekutfola emakhadi lamane, batfola emakhadi laphunti/yello-cards badliwa 2-1 iPolokwane City.

Bese kutsi Motaung yena kusukela wahlawuliswa kulomdlalo lebadliwa khona 6-0 Mabhakaniya, nanyalo sigwebo sakhe asikapheli.

Zindonga ushaye emagoli lamabili lesizini, bese kutsi Mbunjane yena utfole imiklomelo leminengi yebu-Man of the Match kundlula bonke badlali be-TS Galaxy.

By:Nkosinathi