I-Pirates ibika kutsembisa nga-Mofokeng

Licembu le-Orlando Pirates libike tatiso ngebadlali lebalimele, babike kutsi tihlabane tabo letincane letimbili tisondzele kubuyela enkhundleni.

Kungabikhona kwemdlali lomncane lodumile kule-Pirates Relebohile Mofokeng, kunakiwe nekutsi kulemidlalo yaleliviki leliphelile bekangekho.

Kuvakale/kubonakale tikhalo etinkhundleni tekuchumana (social media) kutsi nekuyehlisa lizinga kwa-Saleng kwacala ngalendlela lefnana nalena.

Imbangela yaloku kutsi lelicembu belingakenti mibiko noma tatiso nga-Mofokeng, kutsi uchuba njani.

Kodvwa ngoLweSibili ngembi kwekutsi kudlalwe mdlalo we-Betway Premiership nelicmbu le-Golden Arrows-iPirates ikhiphe umbiko.

Lomunye mdlali losasemncane lotsembisako lonyamalele sikhatsi lesidze kulelicembu, ngu Simphiwe Selepe lojabulise kakhulu esigabeni semaphetselo e-Sizini leyengcile.

Kodvwa i-Pirates ibike kutsi labadlali lababili basondzele kulululama balungele kubuyela enkhundleni.

Lomdlali lobekwe ezingeni lelisetulu Mofokeng ugcine kudlaliswa kulomdlalo we-Carling Knockouts bancoba Siwelele FC ngenyanga ye-Imphala 04,

Uphumutiwe ngenca yekulimala lekumbangele kutsi angakhoni nekudlala kulelicembu lesive I-Bafana Bafana, kumidlalo ye-FIFA World Cup Qualifiers nelicembu le-Zimbabwe ne-Rwanda.

Loweminyaka le-20 ngebudzala, udlale midlalo le-12 yonkhe jikelele yale-sizini kantsi futsi nanyalo abalwa njengemgadli lohamba phambili walelicembu.

Ngala, Selepe naye uyatsembisa kuphola abuyele enkhundleni kungasikudzala. Lomdlali wajabulisa kakhulu ngalesikhatsi Makhehlene Makhawula alimala, Selepe watsatsa indzawo yakhe watimisela.

I-Pirates ikhiphe lombike mayelana nemdlalo lolandzelako wase-King Zwelithini ne-Golden Arrows ngoLeSitsatfu.

“Mabhakaniya nyalo kuyomele achubeke ngekuwina kute bakhone kukhuphuka baye etulu, kantsi futsi banelitfuba.”

“Kungahle kube netingucuko kulelicembu njengobe Selepe na-Mofokeng basondzele ekubuyeni.”