I-PSL Seyibike Indzawo lapho Kuyodlala Khona Lomdlalo we-Nedbank Cup Final

I-Premier Soccer League ikhiphe satiso sekutsi leNdzebe ye-Nedbank Cup Final iyotsatsa indzawo e-Polokwane e-Peter Mokaba Stadium.

Kwenteke timanga kulesizini, emacembu lasemuva ngemaphuzu kuligi ye-Betway Premiership ngiwo latfolakale aphumelela kuyodlala lomdlalo wemancamu.

I-Durban City iyobambana ne-TS Galaxy kulomdlalo wemancamu waleNdzebe ye-Nedbank Cup, lebaluleke kakhulu kulamacembu lamabili.

Lamahlangotsi lamabili abambe indzawobyesibili, ngemuva kwekutsi i-Galaxy incobe i-Milford kumaphenathi (emlotseni), bese kutsi i-City yona yashaya iCasric Stars nga-1-0.

Licembu lelitawuphumelela kuncoba kulomdlalo litawutfola litfuba lekungena ku-CAF Confederation Cup lesizini lelandzelako.

I-Galaxy yona inemlandvo wekutsatsa ngemnyaka wa-2019 bashaya i-Kaizer Chiefs, ngalesa skhatsi basagijima kuleligi yesibili iNFD (National First Division).

I-TS Galaxy iyobambana ne-Durban City e-Peter Mokaba Stadium, ngomhlaka-2 INkhwenkhweti 2026. Ungaphutselwa.

By:Nkosinathi