IChiefs ikhiphe Simemetelo ngebadlali labalimele
Umceceshi Bern Youssef welicembu le-Kaizer Chiefs ukhiphe timemetelo ngebadlali lababili labalimele.
Labadlali lababili labalimele kutsi amgeke babe yincenye yalomdlalo weChiefs neStellenbosch ngoLwsibili.
Amakhosi kusukela akhishwe kuCaf Confederation Cup licembu neZamalek nga-2-1.
IChiefs njengobe isemuva ngemidlalo lemibili, njengobe ngemphelasontfo bekudlala iNedbank Cup, imidlalo yeligi beyimisiwe.
IChiefs ikunombolo-3 ngemaphuzu la-30, ilandzela iSundowns lenemaphuzu la-35, kantsi iOrlando Pirates yona isetulu ngemaphuzu la-38.
Bern Youssef ubike ngebadlali labambalwa lesingeke sibabone kulomdlalo weChiefs neStellies lotawudlala ngoLwesibili.
BADLALI LABANGEKE BADLALE
“Ighodaro ukhashane kakhulu nekuphola, usadzinga emaviki lamabili kutsi alulame.
“Kanye naReeve naye usengakapholi, kodvwa labadlali labanye bakulungele kudlala lomdlalo lolandzelako, nalotawulandzela.
“Kantsi futsi kutawuya ngetihlelo talomdlalo, kutsi sifaka bobani sishiya bani,” kubike umceceshi Bern Youssef
Licembu leKaizer Chiefs itawucudzelana nelicembu leStellenbosch FC ngensimbi ya-19:30 ebusuku eFNB Stadium ngoLwesibili.
By:Nkosinathi
