INGABE MOFOKENG UTAWUDLALA KULOMDLALO WANAMUHLA NE-TS GALAXY?
Lomdlali loneminyaka le-20 ngebudzala bekangekho kumdlalo wabo we-CAF Confederation Cup lapho bacudzelene khona nelicembu le-Lioli FC, Mabhakaniya ancoba ngemagoli lamaningi angekho Mofokeng. Loko kuletsa mibuto ngekubaluleka kwakhe enkhundleni kulelicembu. Nyalo lomdlali ubukene nekululama kwekulimala tsite labukene nako.
Lomdlali ubukene nebumatima bekululama asati kutsi kulomdlalo wangeti-30-Inyoni kutsi atawubikwa kutsi abe yincenye yebadlali lebatocudzelana nelicembu le-TS Galaxy. Lomdlalo utawutsatsa indzawo e-Orlando Stadium, ngensimbi ya-19h00 ntsambama.
Lona ke, ngumdlalo lomkhulu lobalulekile kakhulu kulicembu le-Orlando ngoba bawina bayakhuphuka ngemaphuzu lamatsatfu, bayohlanganisa-15 wemaphuzu.
Mofokeng kuvetwe kwekutsi usengakalulami noma usengakakulungeli kubuyela enkhundleni yemdlalo, ngoba usengakalulami ngalokuphelele, ngako ke lomdlalo lomkhulu we-TS Galaxy ngatsi ngeke awubone.
Kubalulekile kwekutsi lomdlali atsatse sikhatsi sakhe sekululama ngoba miningi midlalo lekatodzingeka kuyo kufana nemidlalo ye-African Cup Of Nations (AFCON) kulicembu lesive i-Bafana Bafana.
Kutsi ahlale ezingeni lakhe lemdlalo webhola letinyawo kutomenta kutsi naye akhetfwe abeyincenye yebadlali lebayomela sive ku-AFCON. Umangabe Mofokeng akaphumeleli kutsi adlale kulomdlalo umceceshi kuyomele abeke litsemba kulabanye badlali.
