Likhadi lelibovu lifake Adams enkingeni kanye ne-Sundowns

Lesihlabane lesincane se-Mamelodi Sundowns Jaydan Adams, uhlawulisiwe sigwebo sekweca imidlalo lemibili yalesizini.

Ngemuva kwekutsi Adams atfole likhadi lelibovu, adlalisa kabi Mduduzi Shabalala  lophuke umkhono. Badlale kulingana nga-1-1 ne-Kaizer Chiefs.

Lemiphumela ibeke iDowns kunombolo-1 nemaphuzublayi-65, kodvwa ibajube lijubane lebeyilidzinga kakhulu kulomjaho walesicoco se-Ndzebe ye-Betway Premiership.

I-Chiefs yona ihleti kunombolo-3 nemaphuzu layi-48, balindzele kutsi Masandawana ancobe i-CAF batokhona kungena ku-CAF Champions League kulesizini letako.

Ngaphandle kwa-Adams umsebenti wa-Cardoso utawuba natima, njengobe lomdlali aphakamise emasokisi kantsi futsi nyalo angeke cedzise lemidlalo lesele.

Masandawana ahluleke kukhula emaphuzu kulomdlalo wabo Ne-Chiefs. Lotsatse indzawo eLoftus Versveld ngoLwesitsatfu.

I-Pirates nayo inelitfuba lelihle lekutsatsa lendzebe yalesicoco se-Betway Premiership. Njengobe banemaphuzu layi-62 nemdlalo esandleni.

By:Nkosinathi