Lokwente  Ouaddou wafaka Radiopane esikhundleni sa-Makgopa

Lomceceshi we-Orlando Pirates Abdeslam Ouaddou uchaza kabanti ngesincomo lasitsetse sekufaka Boitumelo Radiopane esikhundleni sa-Evidence Makgopa bashaya i-AmaZulu 3-0.

I-Pirates itfole litfuba lekukhuphuka yayohlala kunombolo-1 ngemuva kwekutsi ishaye Usuthu 3-0 e-Orlando Amstel Arena ngeMgcibelo emini.

Makgopa kusukela kwafika Abdeslam Ouaddou asimboni acala nemidlalo, kuvamise kucaliswa Yanele Mbuthuma, kantsi kulomdlalo wangeMgcibebo bekulindzelwe kwekutsi angahle angene.

Kodvwa kukhishwe Yanele Mbuthuma kwafakwa Boitumelo Radiopane esikhundleni sekutsi kufakwe Makgopa.

Ouaddou ubese uyacacisa ngalesincumo sakhe, utsi Radiopane ufanelwe kutfola litfuba ngemuva kwekutsi atimisele kakhulu ejimini, kantsi futsi bekabanjwe kulimala.

“Kube sincumo lesisuka kulelicembu lebuceceshi,” kusho Ouaddou.

“Bekasebenta sikhatsi lesidze, azama kubuyela efomini yakhe. Khumbula kahle kutsi ngembi kwekutsi atsatse likhefu washaya ligoli kulomdlalo we-Carling All Stars.

“Utimisela kakhulu etinkhundleni tekutilolonga, kantsi mine nelitsimba lami sibone kwekutsi sekusikhatsi lesihle sekutsi simufake/simile litfuba.

“Sente loko ke, kantsi futsi kubalulekile kwekutsi bagadli betfu babe nemcudzelwano wekudlala/wesikhatsi semdlalo.

“Sicabange ngaMakgopa, udzinga kudlala 90’ wemaminitsi (umdlalo wonke) ngekwesikgatsi semdlalo. Siletse Radiopane, ngicabanga kwekutsi utfola kutetsemba.

By:Nkosinathi