Lokwente we-Chiefs wangadlalisi Da Silva na-Chislett banyomulwa Ku-MTN-8
Umceceshi weKaizer Chiefs, Fernando Da Cruz, sewuvete sizatfu sekutsi kungani Flavio Da Silva na-Ethan Chislett bangakadlali ngempelasonto.
Labadlali lababili bebangekho ngisho esihlalweni sebantfu lababekiwe ngalesikhatsi i-Amakhosi ikhishwa ngendlela leyashiya bantfu bamangele kuMTN8 yiGolden Arrows.
IChiefs ihlulwe nga-1-0 yi-Abafana Bes’thende eFNB Stadium, lapho ligoli laKhulekani Shezi lishiye cishe tinkhulungwane tebalandzeli tidvumatekile ngemuva kwekuhlulwa kweChiefs.
Kungabikhona kwaFlavio Da Silva, lowashaya ligoli ngesikhatsi iChiefs ishaya iKruger United nga-3-1 emdlalweni weBetway Premiership ngeliviki leliphelile, kanye na-Ethan Chislett, kushiye imibuto leminyenti.
Nakakhuluma ngemuva kwemdlalo, Da Cruz utsite labadlali abazange bashiywe ngaphandle ngenca yetincumo temasu ekudlala.
Kodvwa licembu belingafuni kubafaka engotini, ikakhulu njengoba lelicembu libukene nemidlalo lemitsatfu emalangeni lasitfupha.
“Kwekucala, Silva ulimale ngalesikhatsi sitilolonga itolo (ngeMgcibelo), ngako silahlekelwe nguye,” kusho Da Cruz.
“Sinemidlalo lemitsatfu emalangeni lasitfupha, ngako sihlele kutsi sicaphele ngesimo sakhe.”
Uchubeke watsi nesimo saChislett siyafana, njengoba licembu belingafuni kubeka labadlali engotini yekulimala kakhulu.
Nyalo iChiefs itawetama kubuyela endleleni yekuncoba emidlalweni letako, kantsi Da Cruz unelitsemba lekutsi bobabili Flavio Da Silva na-Ethan Chislett batawukhona kubuya batodlala madvute.
FUNDZA NALANA: Mailula ubuya ngeligoli lelikhiphe i-Downs enkingeni ku-MTN8
IChiefs itawubukana neSekhukhune United eFNB Stadium ngaLesitsatfu ebusuku.
Story by Nkosinathi Masinga
