Mbatha uveta mavi lakhulunywe ngumceshishi
Thalente Mbatha uvete mavi lakhulunywe ngumceceshi Abdeslam Ouaddou ngesikhatsi sekhefu kulomdlalo we-Nedbank Cup lapho badhaye khona licembu leTTM 4-0.
Ngemuva kwekutsi iOrlando Pirates ihambe phambili ngemagoli kulomdlalo, lomdlali wesusu welicembu leOrlando Pirates Thalente Mbatha uvete mavi lakhulunywr ngumceceshi Ouaddou ngesikhatsi kuyiwe ekhefini.
Mbhatha ushaye ligoli lesibili kulomdlalo, lapho khona bancobe licembu leTTM 4-1, bacela indlela lendlulela phambili kulomncitiswano weNedbank Cup, eMoses Mabida Stadium.
Andre De Jong nguye lotfole lekubika ngephanathi kulomdlalo, kwase kutsi Patrick Maswanganyi kanye naSipho Mbule baphetsisa lomdlalo.
“Mceceshi usitjele ngesikhatsi selikhefu kutsi sibaletsa emdlalweni kantsi futsi ushilo kutsi kwamele sitfole emagoli lamabili kute sikhone kuncoba lomdlalo,” ubike kuSuper Sport TV ngemuva kwekutsi aklomelwe Iman of the match.
