Ncikazi ucacisa ngekucabana kwemceceshi we-Pirates na-Tito

Lisekela mceceshi we-Orlando Pirates Mandla Ncikazi uvumile kutsi Tito Maswanganyi ungumdlali losebentisa kakhulu imiva.

Ukubeke kwacaca kutsi emkhatsini kwalomdlali nalomceceshi kute kucabana, nedi ngoba Tito ungumdlali losebentisa imiva yakhe kakhulu.

Ncikazi uphawule ngalesikhatsi abutwa kuleluhlelo lwe-Pirates Part 1 of BucsCamp Episode ku-Pirates TV.

Lapho bavete khona lesigameko lesenteke ngesikhatsi selikhefu emkhatsini kwalomdlali nemceceshi Ouaddou.

Lesigameko sishuthwe ngesikhatsi lomdlalo wabo ne-Gallants uye ekhefini. Tito ashaye ligoli linye lalamabili alelicembu.

Kodvwa wahluleka kushaya lesitsatfu, loku kubange lomceceshi wakhonondangaloko.

Le-Vidiyo iveta lapho khona Ouaddou avinjwa sekafuna kusondzelela Tito etindlini tekugcokela khona.

“Tito usebentisa kakhulu imiva
yakhe,” kusho Ncikazi ku-Pirates
TV.

“Nami ngisafundza kubukana na-Tito. Ngibe nesikhatsi lesimatima nyana naye.

“Ngibe nesandla emahlombe akhe, ngafika nasekhayikubo. Ngayobona umndeni wakhe, ngifuna kumfundza.

“Kuneliphuzu lesingalicapheli, ibhola iya ngendzawo lapho umuntfubaphuma khona.

“Badlali base-Tembisa banemcondvo wase-Tembisa, bese kutsi badlali basemaplazini bo-Venda nabo banemcondvo wabo.

“Kufanele uvisie kutsi, Tito ungumdlali wetitayela, kwamele umvumele agibele ebholeni.

“Kunebadlali labafana na-Rele Mofoken, bangebadlali labanemachinga, kantsi nabo kwamele ubanike imvume.

“Kimi, kutsi uvisise badlali bakho ngendlela bangayo. Ayikho inkinga lessening.”

Story by: Nkosinathi