Ncikazi utsembisa ngekubuya nemaphuzu lamatsatfu aphila

Lelisekela mceceshi le-Orlando Pirates Mandla Ncikazi utsembisa kutsi iBucks itawukoleka lamaphuzu lamatsatfu aphelele njengobe bayodlala ne-Stellenbosch FC.

I-Pirates iyobambana nelicembu le-Stellenbosch FC kulomdlalo we-Betway Premiership.

I-Bucks isemjahweni walesicoco sendzebe ye-Betway Premiership njengobe balandzela i-Downs ngemaphuzu layi-59, kantsi namuhla babuke kukoleka emaphuzu lamatsatfu.

Ncikazi uhlatiye lomdlalo lomkhulu lotawudlala kulesifundza sase-Cape Town, utsembisa ngekutsi labafana bakhe batawuncoba kulomdlalo.

“Lamalungiselelo acondzile, sekulotjiwe emaphuzu lamatsatfu esikhwameni. Sisemalungiselweni ekukoleka lamaphuzu lamatsatfu kulomdlalo lotawuba matima e-Cape Town,” kusho Ncikazi, atsela be-OP TV.

“Simo lesimatima senta umdlalo wetfu ubematima, tsine sitifunela nje kunaka indzaba yekudlala kahle sikoleke emaphuzu lamatsatfu.

“Ngalendlela kwenteka ngayo, futsi nangalendlela sihlele ngayo labadlali, siyosishshaya Stellenbosch FC.”

By:Nkosinathi