RANGA CHIVAVIRO UYODLALELA LICEMBU LASE-SAUDI ARABIA AL-ADALAH SC

Loweminyaka le-32 ngebudzala longumgadli waphambili ufikile e-Saudi leliviki, ucedze nekusayina sivumelwano se-kontilaki yemnyaka munye nelicembu lelicedze i-sizini lendlulile basesigabeni sesihlanu (5) selitafula le-ligi.

Bahlulekile kuphumelela kumidlalo yabo yema-playoffs, kungako bangete Chivaviro kulelicembu kucinisa lihlangotsi laphambili lekugadla.

Chivaviro usayine liphepha lesivumelwano ngemuva kwekutsi aphumelele kuhlolwa ngetemphilo ngolwesine, futsi ulungele kubikwa ngalokuphelele kulelicembu. Njengobe abukele phambili ngelikusasa lakhe ngemuva kwekutsi ashiye i-Amakhosi – lapho khona acitse emasizini lamabili.

Ushaye emagoli layimfica kumidlalo le-45 kulelicembu lase-Soweto ngembi kwekutsi kuphele sigaba se-Kontilaki yakhe.