‘Sbhamu besiniketwe luhlanya’ Mofokeng ne-Pirates batapa ma-Awards

Relebohile Mofokeng ube sihlabani sema-PSL Awards alesizini ya-2025/26 lebekatfolwa ngoMsombuluko ebusuku, lapho aphumelela khona kutsatsa imiklomelo lemitsatfu lemikhulu.

Lomdlali loneminyaka lengu-21 ngebudzala sewusayine nelicembu laphesheya ngemuva kwesizini lenhle layentele i-Orlando Pirates.

Mofokeng uklonyeliswe ngemklomelo we-PSL
Footballer of the Season ngemuva kwekukhombisa lukhono lwakhe lelisezingeni lelisetulu ngesikhatsi agcoke lijezi le-Orlando Pirates.

Uphindze wancoba nemiklomelo ye-Betway Premiership Players’ Player of the Season kanye ne-Betway Premiership Young Player of the Season, wagcina busuku ahamba nemiklomelo lemitsatfu kulama awards alesizini ya-2025/26.

I-Orlando Pirates iphindze yagcama nakuleminye imiklomelo. Umceceshi wayo, Abdeslam Ouaddou, uklonyeliswe nge-Coach of the Season, kwatsi nozinti Sipho Chaine wancoba umklomelo we-Goalkeeper of the Season.

Lebone Seema uklonyeliswe nge-Defender of the Season, kwatsi Oswin Appollis wancoba umklomelo we-Midfielder of the Season. Camren Dansin yena uwine umklomelo we-Goal of the Season.

Nozinti losekatsatse umhlalaphansi, Darren Keet, uklonyeliswe nge-Nedbank Cup Player of the Tournament ngemuva kwekusita iDurban City iwine
lendzebe.

Seluleko Mahlambi we-TS Galaxy uwine umklomelo we-Most Promising Player of the Tournament.

Lowake wadlalela i-Orlando Pirates, Mbekezeli Mbokazi, uwine umklomelo we-Carling Knockout Player of the Tournament, kwatsi Tshepang Moremi wahamba newe-MTN8 Last Man Standing.

I-Cape Town City ibuse esigabeni se-Motsepe Foundation Championship, lapho Emile
Witbooi, Gabriel Armato kanye naMickey van der Hart bancobe khona imiklomelo
leyehlukene.

Ku-DStv Diski Challenge, umdlali we-Mamelodi Sundowns, Bennet Mokoena, uncobe
yomibili imiklomelo ye-Player of the Season kanye ne–Top Goal Scorer.

Bonompempe nabo baklonyelisiwe, lapho Eugene Mdluli akhetfwe njenge-Referee
of the Season, kwatsi Nandipha Menze wahlonishwa ngemklomelo we-Assistant
Referee of the Season.

Story by Nkosinathi

FUNDZA NALAN: I-Pirates seyiphindze yasayina umgadli “wemlungu” wase-Norway