Sekubikwe kutsi iPirates isayina tihlabane letibili te-PSL

Licembu le-Orlando Pirates, lifuna kusayina Mthetheleli Mthiyane we-Stellenbosch FC kanye na-Sibangani Zulu we-Richards Bay.

Makhakabhaka sekacalile kucinisa licembu lawo njengobe isizini iphelile kulungiselelwa ya-2026/27.

Ezimbyama ngenkani bacedze somiso seminyaka leyi-14 solo bangawini indzebe ye-Betway Premiership.

Bancobe ne-MTN 8, kanye ne-Carling Knockout kulesizini ya-2025/26, ngephansi kwemceceshi Abdeslam Ouaddou.

Lokunye futsi lokumcova kutsi, baphumelele kungena kuCAF Champions League,  kantsi bagcutelekile ngekutsi babone bozakwabo iSundowns itsatsa lendzebe ye-CAF.

Mthiyane na-Zulu, bacedzile kwenta luhlolo lwetempilo kuleliviki leliphelile. Katsi futsi basesigabeni sekugcina ngci kutsi bajoyine lelicembu.

By:Nkosinathi