Tigucukile tintfo ku-Betway Premiership, iDowns ibuyela esihlalweni

Licembu le-Mamelodi Sundowns likhuphukile labuyela esihlalweni sanombolo-1, ngemuva kwekutsi bashaye i-Polokwane City nga-1-0, e-Seshego Stadium ebusuku.

Masandawana asemcudzelwaneni wekutsatsa lendzebe ye-Betway Premiership nelicembu we-Orlando Pirates lelisandza kususwa kunombolo-1.

Ma-Brazilians anemaphuzu layi-61, badlale imidlalo leyi-26, iPirates yona lebuyele kunombolo-2 inemaphuzu layi-58, badlale imidlalo leyi-26.

Lomdlalo uye ekhefini, kulicandza ku-Sundowns kulicandza futsi naku-Polokwane City lebeyipake ibhansi emuva.

Kodvwa esigabeni sesibili salomdlalo, Marcelo Allende utfole ligoli lekubika, walamulela iSundowns kulomdlalo bewumatima.

Lebo Mothiba lobekasqndza kungena, utsatse iphenathi lebekufanele ibeke iDowns phambili ngemagoli, kodvwa Lindokuhle Mathebula watsi cha.

Lomdlalo uphele nga-1-0, Allende watitsatsela i-man of the match yakhe, njengemdlali lodlale kahle kakhulu kulomdlalo.

By:Nkosinathi