Tindzaba letibuhlungu nga-Mohau Nkota eSaudi Arabia

Lomdlali weliphiko losemncane, Mohau Nkota, sekubikwe kutsi utawuyohlindvwa lidolo ngemuva kwekutsi atsintseke kabuhlungu.

Lombiko ubikwe licembu le-El Ettifaq, lelidlala ku-Saudi Arabian Pro League.

Kutsi Nkota uhlangabetane nekulimala kantsi futsi fufanele bayomhlindza.

Nkota, loneminyaka leyi-21 wajoyina letingcalamba tase-Saudi ngalesizino ya-2024/25, asuka ku-Orlando Pirates.

Ubenesicalo lesihle, kodvwa ngebhadi washonelwa nguyise wakhe. Lesimo simente watsintseka
kakhulu emoyeni, waphunyutwa kwesikhashane.

Kodvwa nyalo besekavutsa emalangabi lomdlali weliphiko lesekudla, wabitwa naku-Bafana Bafana.

Kodvwa nyalo njengobe sekatsintseke lidolo, tinrfo titawuphindze tibuyele phansi ngelikusasa lakhe.

Kutawufanele kutsi alimdze aze alulame ngalokuphelele njengobe isizini iphelile.

Lelicembu libike ngesimo salomdlali, latsi:

“Mohau Nkota itolo, uhambele isejari yekuhlindvwa lidolo yaba yimpumelelo,” kubike i-Ettifaq.

“Lelicembu njengemndeni lifisela lomdlalo kutsi aphole masinyane, abuye achubeke ngemsebenti
wakhe lomuhle nalelicembu.”

Nkotabekayincenye yalesikwadi sa-Broos lesadlala i-AFCON, wabese ulahlekelwa indzawo yakhe.

By:Nkosinathi