BROOS UNCOMA MBOKAZI WE-ORLANDO PIRATES
Umceceshi we-Bafana Bafana Hugo Broos utsi lomdlali lomcane we-Orlando Pirates lodlala emuva Mbekezeli Mbokazi unawo onkhe emathulusi langamenta adlale e-Europe futsi uyincenye yemagama ekucala ebadlali lababitiwe noma labakhetsiwe laba-23, kulemidlalo letako ya-2026 FIFA World Cup qualifiers lapho bayobuka khona ne-Lesotho kanye ne-Nigeria kulenyanga letako.
Loweminyaka le-19 ngebudzala udlala isizini yakhe yesibili kusukela acale kudlala mdlalo webhola letinyawo esigabeni lesisezingeni leslisetulu kodvwa sobitiwe kulicembu lesive i-Bafana Bafana, futsi nyalo ungumdlali losikhiya kulicembu le-Orlando Pirates kusukela wakhushulwa kulelicembu le-Orlando Pirates ngenyanga ya-Bhimbidvwane.
Mbokazi ubikwe kwekutsi uyincenye yabo-kpteni ku-Orlando Pirates kulesizini, futsi kwanyalo usalihole kahle lelicembu. Le-Khemphu lelandzelako iyobe i-khemphu yesibili yakhe nelicembu lesive, bekajabulisa Broos kumidlalo yemave yekutilungiselela ne-Tanzania kanye ne-Mozambique ekucaleni kwalomnyaka.
Broos utsi lomdlali wasemuva lomncane nguye mdlali lohamba phambili kubadlali lakababonile e-Ningizimu Afrika. “Ungumdlali lengisengakamboni mahlandla lamaningi kodvwa kusukela kusukela ekucaleni, ukhombise kutiphatsa kwemuntfu lokhulile,” Kusho Broos ku-SABC1.
“Kutitsemba kwakhe, unemandla, unebhola lehle. Udlala ngekungesabi futsi kuhle kakhulu kumdlali lomncane njengaye, futsi besngisolo ngifuna kumbona kahle ngalesikhatsi sihamba naye ngenyanga ye-Ndlovulekhulu. Kumbona adlala nalelicembu kulemidlalo yekutilungiselela, besengimtsemba ngalokuphele ngalesikhatsi ngimbona adlala. Kimi lobu bekubufakazi bekutsi ungumdlali lokhaliphile, ungumdlali wasemuva lokhaliphile, futsi ungumdlali lomcane lokhaliphile.”Kusho Broos.
