Cardoso ukhipha tatiso nga-Leon, Sales, kanye na-Santos

Miguel Cardoso longumceceshi we-Mamelodi Sundowns ukhiphe satiso ngebadlali labatsatfu labangakadlali kulomdlalo wangeLisontfo, iDowns idlala 0-0 ne-Richards Bay.

Brayan Leon, Nuno Santos kanye na-Arthur Sales. Bebangekho kulomdlalo wange-Lisontfo enkundleni yase-Mhlathuze bavakashele I-Richards Bay.

I-Sundowns isemjahweni lomkhulu wekugijimisa lesicoco seligi njengobe iPirates ihleti kunombolo-1. I-Downs isemuva ngemdlalo munye nemaphuzu layi-58.

Lemiphumela akusiyo bebayilindzele, njengobe i-Bay ibamuke licatsa emlonyeni, ngemuva kwekutsi bahluleke kukhuphuka bayohlala kunombolo-1.

Miguel Cardos ukhiphe tatiso ngalabadlali labatsatfu, kantsi futsi ucinise kakhulu egameni lekutsi nalabanye badlali kwamele bakhuphule masokisi bakhone kulekelela lelicembu njengobe labanye bangekho.

“Brayan, ulimele. Bese kutsi Nuno yena usalulama. Nyalo silahlekelwe ngu-Arthur,” kusho Cardoso ngemuva kwalomdlalo wabo ne-Bay.

“Kantsi futsi, Sekusikhatsi sekutsi nalabadlali labanye lesinabo basukume. Kunekutsi sisole/sikhononde.”

I-Sundowns iyodlala umdlalo wemancamu ku-CAF Champions League. Kantsi futsi nyalo bagijimisa leNdzebe ye-Betway Premiership.

By:Nkosinathi