Impi lefaka imali emkhatsin weSwallows neGallants kuPSL
IPremier Soccer League (PSL) seyiphindze yatitfola ikulenye inkinga yemtsetfo lefuna kufuta siphetfo lesifana nelicembu leRoyal AM.
IMoroka Swallows seyifake emavi ekugcina enkhantolo ifuna kubuyiselwa lesitifiketi sayo sekudlala kuBetway Premiership.
Loku kulandzela kutsi lesitifiketi lesi basitsengisela iMarumo Gallants lekungiyo ledlala kulesigaba lesi nyalo.
Ifake sicelo lesiphutfumako eNkhantolo lephakeme ukuze itfole lesitifiketi sayo lesatsengiswa eminyakeni lemibili ledlulile.
Uma inkhantolo ikhipha sincumo lesivuma iDube Birds, iGallants itawulahlekelwa litfuba layo lekudlala kaPSL emkhatsini kwalesizini.
Kantsi futsi loku kungase kushiye iligi inesikhala noma ivume kuguculwa kweligama nebunikati belicembu emkhatsini nesizini.
KUBANGISWANA KWA R40 MILLION
Sekusuke lutfutfuva lwemphi mayelana nesivumelwano sekutsengiselana ngalomnyaka wa 2024 Inkhwekhweti.
Kusolwa sicakacaka lwetikhawu lapho inkokhelo lebekufanele ikhokhelwe banikati beSwallows ingazange yentiwe.
“Lelicembu lelidzabuka eBloemfontein kusolakala ukutsi lwehlulekile kuphendvula (incwadzi yemthetho belitfunyelwe yona noma yekukhokha.
“Loku kuholele ekukhishweni kwesatiso sekuncamula sivumelwano ngalokusemtsetfweni,” umbiko weSABC Sport ucaphune litsimba lebammeli beSwallows.
TINSOLO TENKOHLAKALO
Kabamele iMoroka Swallows baveta tinsolo letibucayi kakhulu lebatibhekise ngco kubanikati beGallants:
- Kutsengiswa kweLeruma United: ISwallows itsi iGallants itsengise sitifiketi sayo seNFD (kwiLeruma United) ekubeni beyisibeke njengesibambiso ekutsengiselaneni kwabo.
- Inkhohlakalo: ISwallows isola kutsi ayimange yatiswe ngalokutsengiselana, futsi ikubita ngekutsi senti lesingaba “senkohlakalo.”
By:Nkosinathi
